Politik | 16.11.2013

Pretender tenor pussaivladads

Text von Giuanna Beeli | Bilder von Katharina Good
La Sessiun da giuvenils representa la vusch da la giuventetgna. Po ella dentant far pretensiuns che vegnan pridas seriusas? Las diversas pussaivladads da far pretensiuns en ina curta survista.
La petiziun è la meglra furma da far ina petiziun, cunquai che ella pretenda da vegnir tractada da la administraziun responsabla.
Bild: Katharina Good

Quest onn discutan ils var 200 giuvenils davart sis temas che pertutgan il mintgadi da la giuventetgna e ch’èn era relevants per la politica quotidiana en il mund dals creschids. Las gruppas da lavur da la sessiun da giuvenils han il pensum d-˜elavurar durant dus dis in da quests temas e tschentar ina pretensiun latiers. Las pretensiuns pon vegnir formuladas en differentas modas. Quai fissan: la petiziun, il statement e l’idea da project.

 

Las trais furmas

L’idea da project è la versiun la pli indefinita. Ils giuvenils pon avair in’idea co ins sa effectuar insatge en la politica che basegna dentant betg direct ina midada da la lescha u da la constituziun. L’idea è be in impuls, aschia che questa na sto betg esser reflectada e planisada minuziusamain.

 

In statement perencunter è sumegliant a la petiziun, mo ch’in adressat specific manca. In statement è ina declaraziun dal parairi da la gruppa e po esser ina pretensiun concreta ni ina posiziun generala. Questa posiziun sa basa per ordinari sin in’idea specifica d-˜in actur politic. Il statement vegn publitgà  ed il forum da la sessiun da giuvenils fa ses lobbing sin fundament da quel.

 

Ina petiziun è la formulaziun d-˜ina pretensiun che va ad in adressat special. Ils adressats ils pli usitads èn il parlament ni ina cumissiun parlamentara. Dentant pon las petiziuns era ir ad autras autoritads federalas. La petiziun sto esser formulada cler e net e na cumpiglia per regla betg dapli ch’ina construcziun. Accumpagnada vegn questa pretensiun d-˜in text da motivaziun, en il qual ils pli impurtonts aspects vegnan explitgads. Questa pretensiun sto vegnir tractada da l-˜autoritad responsabla e pretenda ina resposta explicita.

 

I es impurtant tge furma da pretensiun ch’ils politichers giuvens tschernan, pertge betg tut las furmas effectueschan la medema reacziun. Duront la discussiun cun ils politichers han ils participants da la gruppa cun il tema obligaziun da servetsch gì chaschun da dumandar tge furma che saja la pli adattada per la sessiun da giuvenils. Ils represchentants da tut las opiniuns politicas – dretg, senester e mez – han pledà  unanimamain per il diever da la petiziun. Prisca Birrer-Heimo (ps) ha declarà : “La petiziun ha la pli granda paisa, deplorablamain èsi dentant pussaivel che quella vegn refusada.”

 

Zusammenfassung


 

Petition, Statement oder Projektidee?

Um einen politischen Vorstoss machen zu können, kommt es darauf an, wie man die jeweilige Forderung “verpackt”. So ist dies auch bei der Jugendsession der Fall. Während der Session werden sechs Themen in Gruppen diskutiert. Ziel dieser Gruppen ist es wiederum, innerhalb der ersten zwei Tage eine Forderung zum jeweiligen Thema vorzubereiten. Danach werden diese im Plenum diskutiert und zur Abstimmung gebracht.

 

Eine erfolgreiche Abstimmung hängt stets von der Form ab, in welcher die Forderung formuliert ist. Die Jungpolitikerinnen und Jungpolitiker konnten zwischen drei verschiedenen Formen auswählen: die Petition, das Statement oder eine Projektidee. Auch wenn alle drei Varianten in verschiedenen Situationen äusserst attraktiv sind, empfahlen die gestandenen Politiker während der Frage- und Diskussionsstunde in der Gruppe einstimmig die Petition als effizienteste Forderungsform.